Fundacion Terra Termarum Castrolandin
Orixe da Fundación
A Fundación Terra Termarum Castrolandín naceu en Cuntis no ano 2001 coa misión de protexer, estudar e poñer en valor o xacemento arqueolóxico de Castrolandín, ao tempo que difunde a riqueza da cultura castrexa e da romanización en Galicia. Trátase dunha entidade singular en Galicia, pois é a propia comunidade local —Concello, Comunidade de Montes, Asociación de Amigos dos Castros e empresas vinculadas— a que lidera este proxecto de conservación e promoción patrimonial.
O xacemento do Castro de Castrolandín
O castro de Castrolandín, situado a só un quilómetro e medio do centro de Cuntis, remóntase a finais da Idade do Ferro. Trátase dun asentamento de tamaño medio, no que vivirían arredor de 100 persoas na fase final da cultura castrexa.
Hoxe podes coñecelo de preto e descubrir os seus segredos a través de visitas guiadas que se poden reservar previamente, unha oportunidade perfecta para mergullarse na historia e comprender mellor a vida dos seus habitantes.
Visita o Centro de Interpretación Arqueolóxico
No corazón de Cuntis atópase o Centro de Interpretación de Castrolandín, a porta de entrada ao xacemento arqueolóxico. Un espazo accesible e de balde, onde descubrirás a cultura castrexa a través de maquetas, paneis, reproducións cerámicas e un obradoiro único.
Obradoiro de Cerámica Castrexa
Un espazo vivo onde a tradición e a creatividade se dan a man. O Obradoiro de Cerámica Castrexa é unha forma única de descubrir o Castro de Castrolandín e gozar do seu patrimonio.
As actividades e servizos do obradoiro son a realización de réplicas arqueolóxicas para Centros de Interpretación, pezas específicas para museos ou coleccionistas particulares, cursos de cerámica para todos os niveis e moitas cousas máis.
Un punto de encontro entre historia, arte e turismo cultural.
Últimas noticias
A Fundación Terra Termarum participa un ano máis na Romaría de San Lourenzo co seu Obradoiro de Cerámica Castrexa
A cerámica castrexa viaxa esta fin de semana a Narón e Buño
A Fundación Terra Termarum Castrolandín participa na Rede Galega de Oficios Vivos coa cerámica castrexa
A Fundación Terra Termarum participará no XXV Arde Lucus con demostracións de cerámica castrexa
A Fundación Terra Termarum participará na XXIII Romaría Etnográfica Raigame en Vilanova dos Infantes
Renovación do distintivo de calidade turística
Vive a cerámica castrexa en primeira persoa no Museo do Castro de Viladonga
Castrolandín súmase un ano máis aos Días Europeos da Artesanía con portas abertas e obradoiros
Hoxe: Modelamos o pasado en familia.
Unha viaxe as nosas raíces a través da arte e a rehabilitación
Visitas guiadas
Escolares
Grupos organizados
Explora o xacemento
Coñece a historia do castro de Castrolandín
Descubre a Cerámica Castrexa
Aprende como se traballa